सुजन र विद्याको ‘बाफ’मा प्रताप र शिल्पाको प्रेम (भिडियो)
देखेर तिमीलाई, गाला पुक्क र लजाएर जस्ता गीतबाट दर्शक तथा श्रोताको मन जितेका गायक सुजन चापागाईंको नयाँ गीत बाफ रिलिज भएको छ । हर्क साउदको शब्द रहेको गीतमा सुजनलाई विद्या तिवारीले साथ दिएकी छिन् । संगीत सुजनकै छ । भिडियो :
नविन चौहानको कथा, पटकथा र निर्देशन रहेको बाफ मा गायक प्रताप दास र शिल्पा थापा लगायत कलाकारहरुले अभिनय गरेका छन् । नेपाल आइडलबाट चर्चामा आएका प्रतापले अभिनय गरेको यो पहिलो भिडियो हो । भिडियोमा प्रदाप र शिल्पाको जोडी सुहाएको छ । अनिश स्याङदेनको छायाँकन रहेको भिडियोलाई सुरज पौडेलले सम्पादन गरेका छन् ।
‘तीनपाते देखेर तिमीलाइ’मा स्वरोजगार युवा पुस्ताको प्रेम देखाएका निर्देशक चौहानले बाफमा नेपाल र भारतका युवाको प्रेमलाई प्रस्तुत गरेका छन् । सुजनका यसअघिका गीत जस्तै ‘बाफ’लाई पनि सफलता मिल्ला ?
