कृशलको आँखाको नानीमा बसिन् मेलिना (भिडियो)
गायक कृशल कंडेलको ‘यि आँखाका नानी’ बोलको गीतको भिडियो सार्वजनिक भएको छ । सार्वजनिक गीतमा गायक कृशल कंडेलसंगै गायिका मेलिना मैनालीको स्वर छ । भिडियोमा कृशल र मेलिना दुबैले अभिनय गरेका छन् । भिडियो :
‘यी आँखाका नानी’को भिडियोमा ‘ओडेर घुँघट’को बाँकी कथा भनिएको छ । ‘ओडेर घुँघट’मा कलाकार सेड्रिना शर्मा र कृशलको अभिनय थियो । अध्ययनका कारण सेड्रिनाको समय नमिलेपछि गायिका मैनाली नै यी आँखाका नानीमा भित्रिएकी हुन् । भिडियोको निर्देशन दिपक आचार्यले गरेका हुन् ।
गीतलाई अर्जुन पोख्रेलले संगीत भरेका छन् । बुद्ध थापाको छायाँकन रहेको भिडियोलाई चन्दन दत्तले सम्पादन गरेका हुन् । भिडियोलाई सुश्मा गुरागाँईले निर्माण गरेकी हुन्।
