दिनेश गौतमको स्वरमा ‘चरी’ सार्वजनिक (भिडियो)
गायक दिनेश गौतमको स्वरमा रहेको ’चरी’ बोलको गीत सार्वजनिक भएको छ । गीतमा प्रकाश सापकोटाको शब्द रचना र पुस्तक प्रसादले संगीत भरेका छन् । उदयराज पौडेल गीतका एरेञ्जर हुन् । भिडियो हेर्नुस् :
गीतमा मानिसको बह पोख्ने माध्यमको रुपमा चरालाई प्रस्तुत गरिएको छ । ‘द भ्वाइस अफ नेपाल’ का निर्देशक लक्ष्मण पौडेलले निर्देशन गरेको भिडियोमा गायक गौतम स्वयम् फिचर्ड छन् । ‘द भ्वाइस अफ नेपाल’ को स्टूडियोमा खिचिएको गीत कलात्मक छ ।
गोल्डेन हार्ट पिक्चरले निर्माण गरेको गीतको भिडियोलाई अर्जुन तिवारीले खिचेका हुन् भने सोहन मानन्धरको सम्पादन रहेको छ । गायक गौतमले गीतको भाव अनुसार भिडियो बनेकोमा खुसी व्यक्त गरे । गीतको शब्द सुन्दा नै आफू उत्साहित भएको बताउँदै उनले दर्शकलार्ई पनि गीत मन पर्नेमा विश्वस्त रहेको बताए ।
