नव-कलाकारसँग साम्राज्ञीले खेलिन् म्युजिक भिडियो
नायिका साम्राज्ञी राज्यलक्ष्मी शाहले म्युजिक भिडियो खेलेकी छिन् । नायिका शाहले ट्री इन्टरटेन्मेन्टले निर्माण गरेको ‘माया पिरेम’ गीतको म्युजिक हालसालै सुट गरेकी छिन् । भिडियोलाई दिपेश सापकोटाले निर्देशन गरेका छन् ।
म्युजिक भिडियोमा साम्राज्ञीसँग देलविस दर्शनधारी र राज रोहन तुम्बाहाम्फे फिचर्ड छन् । देलविस र राज निर्माताद्वय दिनेश दर्शनधारी र यशोदा राईका छोराहरु हुन् । गीमा गायक विश्व नेपाली र गायिका अस्मिता परियारको स्वर छ । शब्द डिपी खनालले कोरेका छन् भने शंकर थापा स्माइलको संगीत र उदय राज पौडेलको संगीत संयोजन गरेको छ । गीतमा कोरियोग्राफी माईकल चन्दले गरेका छन् ।
साम्राज्ञीले यस अगाडी आमाले गाएको गीतमा अभिनय गरेकी थिइन् । साम्राज्ञी अभिनत फिल्म ‘तिम्रो मेरो साथ’ प्रदर्शनको पर्खाइमा छ ।
