मिस युनिभर्स नेपाल अंशिकाको पागल प्रेममा निमा !
गायक निमा रुम्बा लामो समयपछि गायनमा फर्किएका छन् । रुम्बाको नयाँ गीत ‘पागल प्रेमी-२ (क्रेजी लभर)’को भिडियो सार्वजनिक भएको छ । गीतमा निमाकै शब्द, संगीत र स्वर रहेको छ । निमा र मिस युनिभर्स नेपाल अंशिका शर्मा अभिनित गीतको भिडियो यस्तो बनेको छ :
अमेरिकामा खिचिएको यो गीतको भिडियोमा निमा र अंशिका सँगै मिस्टर यूएसए तथा दुईपटक मेन्स फिजिक गोल्ड मेडल जितेका तथा प्रो कार्ड विजेता उत्सव सिंहले प्रमूख अभिनय गरेका छन् । भिडियोको निर्देशन आशिष श्रेष्ठले गरेका हुन् । भिडियोमा पटकथा र सम्पादन पनि उनकै रहेको छ । भिडियो युवा फिल्म्स् र आहा प्रोडक्सनले तयार पारेको हो । भिडियोका सह-निर्माता उज्ज्वल सिंह हुन् ।
निमाले आर एण्ड बि र्याप शैलीको समिश्रण रहेको ‘पागल प्रेमी (मायालु तिमी भनिदेउ)’ बि.सं. २०५० मा ल्याएका थिए, जुन गीत अलटाईम हिट गीत हो । हाल सार्वजनिक गीत निमाले केही वर्षअघि नै रेकर्ड गराएका हुन् । उक्त गीतका लागि निमा रुम्बा र गायक स्व. सुनील बर्देवाले २०७० मा एरेन्ज सुरु गरेका थिए ।
