निताको निर्देशनमा हरिहर बने शिवभक्त (भजन)
युवा ज्योतिष हरिहर अधिकारी अभिनित ‘जय जय निलकण्ठ’ भजनको भिडियो सार्वजनिक भएको छ । सोमबार प्रेसमिट गर्दै नायिका नीता ढुंगाना निर्देशित भजनको भिडियो रिलिज गरिएको हो । भजन हेर्नुस् :
विशाल निरौलाद्वारा संगीतवद्ध भजनका शब्द हरिहर आफैंले गरेका हुन् । गायक सुगम पोखरेलको स्वर छ । सञ्जय लामाको छायाँकन रहेको भिडियोको कोरियोग्राफी रामजी लामिछानेले गरेका छन् । भजनमा हरिहर शिव भक्तको भूमिकामा प्रस्तुत भएका छन् । भजनमा नीताको छोटो झलक मात्रै छ ।
नायिका नीता ढुंगानाले पहिलो पटक भजन निर्देशन गरेकी हुन् भने फिल्म शुभ लभ पश्चात् हरिहर दोश्रो पटक स्क्रिनमा देखिएका हुन् ।
