‘सरकारी अड्डा’मा निश्चल स्वस्तिमाको विविध रुप (भिडियो)
निर्देशक निश्चल बस्नेत र नायिका स्वस्तिमा खड्का अभिनित नयाँ भिडियो सार्वजनिक भएको छ । सरकारी अड्डा बोलको भिडियोमा निश्चल र स्वस्तिमालाई विभिन्न भूमिकामा देख्न सकिन्छ । भिडियो :
भिडियोमा निश्चल सैनिक हुँदै शिक्षाकको भूमिकामा प्रस्तुत भएका छन् । यस्तै स्वस्तिमा पनि नर्स र सेकेण्ड लेफ्टिनेन्टको भूमिकामा फिट देखिएकी छिन् । नाच फिरिरी, कुटुमा कुटु, चट्ट रुमाल, तातो गोलीमा जस्ता सफल गीत खेलेका निश्चल स्वस्तिमाको यो भिडियोमा पनि जोडी जमेको छ । निकेश खड्काको कथा, पटकथा र निर्देशन रहेको भिडियोलाई फिल्मी शैलीमा प्रस्तुत गरिएको छ ।सुबोल थापाको नृत्य निर्देशन रहेको भिडियोको सम्पादन विकास धमलाले गरेका छन् । छायाँकन मानकृष्ण महर्जन र बुद्ध थापा मिलेर गरेका हुन् ।
दिपक शर्माको संगीत रहेको सरकारी अड्डामा रचना रिमाल र पदम राईले स्वर दिएका छन् । शब्द डिपी खनालको हो । बुधबार प्रेसमिट गर्दै भिडियो सार्वजनिक गरिएको हो ।
