गरिमा मुस्कुराउँदा सुरज भुतुक्कै भए (भिडियो)
संगम थपलियाको स्वरमा तिमी मुस्कुराउँदाको बोलको भिडियो सार्वजनिक भएको छ । भिडियोमा मोडल गरिमा शर्मा र नव प्रस्तुतीको रुपमा सुरज थपलियाले मोडलिंग गरेका छन् । भिडियोमा सुरज थपलिया र गरिमाबीच माया, प्रेमको रोमान्स देखाइएको छ । भिडियो :
कुलेखानीका विभिन्न स्थानमा छाँयांकन गरिएको भिडियोको निर्देशन रमेश थापाले गरेका छन् । गरिमा र सुरजका साथमा गायक संगमलाई पनि भिडियोमा फिचर्ड गरिएको छ । संगम थपलियाको यो पहिलो रेकर्ड गरिएको गीत हो । तिमी मुस्कुराउँदा बोलको गीतमा शब्द र संगीत किशोर विश्वकर्माको छ । गीतमा संगीत संयोजन सञ्जीब बराईलीको छ । अकस्टिक रेकर्डिङ स्टुडियोमा रेकर्ड भएको गीतको मिक्सिङ प्रकाश मिश्रले गरेका हुन् ।
उत्सव दाहालले खिचेको भिडियोको सम्पादन नहकुल खड्काले गरेका छन् । सिता राईले कोरियोग्राफी गरेको यो म्युजिक भिडियोमा मनोरञ्जन श्रेष्ठको कलर संयोजन छ । चन्द्र बिनायक फिल्म्स प्रोडक्सनमा भिडियोको पोष्ट प्रोडक्सनको काम गरिएका हो । शिवराम थपलिया गीतको निर्माता हुन् । गीत ओएसआर डिजिटलको अफिसियल युट्युब च्यानलमा रिलिज गरिएको छ ।
