‘सुन कोशी बग्यो सलल’ मा सुनिल र बिनाको ठुम्का

गायक सबु थापा मगर र गायिका रिता केसीको स्वरमा ‘सुन कोशी बग्यो सलल’ गीतको म्युजिक भिडियो सार्वजनिक भएको छ । गीतमा स्व. पुणर् गुरुङको शब्द तथा संगीत रहेको छ । दिलिप समनद्धरा निर्देशित म्युजिक भिडियोमा सुनिल न्यौपाने र बिना राउत फिचर्ड छन् । भिडियो :

यस भिडियोलाई दिलिपले निर्देशन गरेका हुन् । रोशनले कोरियोग्राफी गरेको भिडियोमा हरि हुँमागाईको सिनेमाटोग्राफी रहेको छ भने नहकुल खड्काको सम्पान रहेको छ । शनिबार आयोजित भिडियो सार्वजनिक कार्यक्रमका प्रमुख अतिथी वरिष्ठ गायक यम बरालले भिडियोको बारेमा बोल्दै टिमलाई शुभकामना दिए । उनले नेपाली गीत संगीतको पहिले र अहिलेको अन्तरका बारेमा समेत बोले । त्यस्तै कार्यक्रमका विशेष अतिथीहरु क्रमश : नेपाल पुलिसका एआइजी टेक तामाङ, चर्चित गायक कमल खत्री, एसियन म्युजिकका एमडी इश्वर गुरुङ, निर्देशक विभोर पोखरेल लगायतलेपनि गीतका बारेका बोल्दै सुनिल र बिनाको कामको तारिफ गरेका थिए । समिप इन्टरटेनमेन्टकी अध्यक्ष मीना बर्तौलाले पनि म्युजिक भिडियोमा जोडिएका सबैलाई बधाई दिएकी थिइन् ।

कार्यक्रममा मोडल बिनाले भिडियोको बारेमा बोल्दै मेलाको फरक सेटमा पहिलो चोटि काम गरेको बताइन् । उनले सुटिङका रमाइला किस्साहरुपनि सुनाइन् । त्यस्तै भिडियोका मोडल सुनिलले राम्रो काम गर्ने मेहेनत गरेको बताए । कोरियोग्राफर रोशन विश्वकर्माले बिनाको साथमा नन-डान्सर सुनिललाई डान्स गराउन गाह्रो हँुदाहुँदै सफल भएको बताए ।

निर्देशक दिलिपले राम्रो काम निकाल्नका लागी बजेटका लागी ओपन भएर काम गर्नु भएकाले पनि कामको रिजल्ट राम्रो आएको बताए ।