‘दयारानी’ टिजरमा दया र दियाको नोकझोक
अभिनेता दयाहाङ राई र अभिनेत्री दीया पुनको मुख्य भुमिका रहेको फिल्म ‘दयारानी’को टिजर सार्वजनिक भएको छ । सार्वजनिक टिजरमा निःसन्तान दम्पत्तीको रोचक कथालाई प्रस्तुत गरिएको छ । टिजर :
‘मिस्टर झोले’मा पहिलो पटक एकसाथ काम गरेका दया र दीयाको जोडी दयारानी बाट पुनः पर्दामा एकसाथ आउन लागेका हुन् । टिजरमा उनीहरुलाई श्रीमान र श्रीमतीको भूमिका मिलेको देखिन्छ । अभिनेता माओत्से गुरुङको डेव्यु निर्देशकिय यो फिल्म माघ २६ गतेदेखि रिलिज हुँदैछ ।
बाँसुरी फिल्मस् र माओत्से फिल्मस्को ब्यानरमा निर्माण भएको सिनेमालाई शैलेन्द्र ध्वज कार्कीले खिचेका हुन् । फिल्ममा दयाहाङ र दीयासँगै विजय बराल, प्रमिसा गुरुङ, पुस्कर गुरुङ, टिकाराम घले, शिरिषा कुँवर, नयन गुरुङ, सुर्य सुनार, राजेन्द्र थापा, सीतादेवी गुरुङ र क्रिष्टी गुरुङ लगायतका कलाकार पनि अभिनय छ ।
मोहन गुरुङ, किरण गुरुङ, केन्द्र लिम्बु र न्यू आइटी भेन्चरको सहकार्यमा निर्माण भएको सिनेमाका कार्यकारी निर्माता रामबाबु गुरुङ र अपिल विष्ट हुन् । सिनेमाको कास्टिङ डारेक्टर मणिराम पोखरेल हुन् ।
