‘अगस्त्य’मा निश्चल बस्नेत पनि, जन्मदिनमा पोस्टर रिलिज
फिल्म ‘अगस्त्य’ को नयाँ पोस्टर रिलिज गरिएको छ । जहाँ निर्देशक तथा कलाकार निश्चल बस्नेतलाई देख्न सकिन्छ । निर्देशक बस्नेतको जन्मदिनको अवसर पारेर अगस्त्य युनिटले उनको पोस्टर सार्वजनिक गरेको हो ।
सौरभ चौधरीको लेखन र निर्देशन रहेको फिल्म अगस्त्य मा सौगात मल्ल, नाजिर हुसेन, मलिका महतसँगै निश्चल बस्नेतको पनि मुख्य भूमिका छ । यो फिल्ममा निश्चललाई ‘अजित’ पात्रको भूमिकामा देख्न सकिन्छ । फिल्ममा प्रमोद अग्रहरी, विजय बराल, रवीन्द्र झाको पनि मुख्य भूमिका छ । फिल्म फागुनको १८ गतेबाट रिलिज हुँदैछ ।
डार्क हर्स इन्टरटेन्मेन्ट र सेभेन सिज इन्टरटेन्मेन्टको प्रस्तुतिमा तयार भएको यो फिल्ममा प्रकाश मल्ल, अनिष तामाङ र विनोद पौडेलको लगानी छ । फिल्मका कार्यकारी निर्माता विश्व गौचन र अभिषेक चौधरी हुन् ।
