‘लाउरे एण्ड दाउरे’बाट विल्सनको निर्देशनमा डेव्यु
कलाकार विल्सन विक्रम राईले फिल्म निर्देशन गर्ने भएका छन् । फिल्म ’लाउरे एण्ड दाउरे’ बाट विल्सनले फिल्म निर्देशन सुरु गर्न लागेका हुन् । उनको फिल्मको यतिबेला कलाकारको लाइन अप पुरा हुँदैछ ।
फिल्म लाउरे एण्ड दाउरे मा अभिनेता दयाहाङ राई मुख्य भूमिकामा प्रस्तुत हुनेछन् । साथमा बुद्धि तामाङ, विजय बराल पनि फिल्मको लाग पक्का भएका छन् । फिल्ममा निर्देशक राइको पनि महत्वपूणर् भूमिका रहनेछ । फिल्ममा अभिनय गर्ने मुख्य अभिनेत्री र बाँकी कलाकार भने टुंगो लागेको छैन् ।
फिल्म लाउरे एण्ड दाउरे विल्सनकै निर्माण कम्पनी तक्मे प्रोडक्सनले बनाउन लागेको हो । कमेडी र लभस्टोरीको कथावस्तुमा निर्माण हुन लागेको फिल्मको लेखन विल्सन स्वयमको छ । फिल्मको निर्मातामा सरिना लामा छिन् । संगीत अनमोल गुरुङले गर्नेछन् ।
