सरोज र शिल्पाको प्रेममा ‘म को हुँ’ सार्वजनिक (भिडियो)
आफ्नो प्रेमका लागि छटपटिएक पुरुष र महिलाको कथामा ‘म को हुँ’ गीतको भिडियो सार्वजनिक भएको छ । गीतमा गायक रामकृष्ण ढकाल र गायिका रानी शाक्यको स्वर छ । गीतमा रिमेश कुमारको संगीत र जनक वाग्लेले शब्द लेखेका छन् । भिडियो :
भिडियोमा बरिष्ठ कलाकार सरोज खनाल र मोडल शिल्पा पोखरेलको अभिनय छ । एक अर्काको हुन नसकेको पीडा यो गीतको भिडियोमा पोखिएको छ । राम कुमार केसीको छायांकन, विजेश पौडेलको सम्पादन रहेको यो गीतको भिडियोलाई रसरंग मिडियाले तयार पारेको हो । भिडियोमा सुलोचना गौतम र सुशान्त ढकालको पनि अभिनय छ ।
सार्वजनिक भिडियोमा के आफ्नो र को पराई हो भन्ने प्रश्न गरिएको छ । यो गीतले आफू आफ्नै हुन नसकेको समयमा अरुको कसरी हुन सकिन्छ भन्ने भावलाई प्रकट गरेको छ ।
