‘पूजार सार्की’मा प्रकाश सपुत र शान्तिश्रीको स्वर
दिनेश राउतले निर्देशन गर्ने फिल्म ‘पुजार सार्की’मा गायक प्रकाश सपुत र गायिका शान्तिश्री परियारले आफ्नो स्वर रेकर्ड गराएका छन् ।
नेपाली लोक संगीतमा प्रकाश र शान्तिश्रीको चर्चा र सफलता लोभलाग्दो छ । लोक लयको गीतमा हर्क साउदको शब्द र सुभाष भूसालको सङ्गीत छ । गीतमा एरेञ्ज हेमन्त कान्छा रसाइलीको छ । किङ्गडम नेटवर्कको ब्यानरमा बन्ने फिल्ममा आर्यन सिग्देल, प्रदीप खड्का र पल शाह मुख्य भूमिकामा अनुबन्धित भएका छन् । अभिनेत्रीद्वय अन्जना बराइली र परीक्षा लिम्बुको पनि फिल्ममा प्रमुख भूमिका रहनेछ ।
माघको मध्यबाट छायाङ्कन सुरु हुने यो फिल्मलाई विकास सुवेदीले लेखेका छन् । फिल्म निर्माण सङ्गीतकार सुबास भुसालले गर्दैछन् । एक दर्जन फिल्ममा सङ्गीत दिएका भुसालको यो पहिलो फिल्म निर्माण हो ।
