’अगस्त्य’ मा मलिका महतको ‘चाँदनी’ रुप रिलिज
फिल्म ‘अगस्त्य च्याप्टर १’ को अर्को पोस्टर रिलिज भएको छ । फिल्मका मुख्य नायकद्धय सौगात मल्ल र नाजिर हुसेन पछि नायिका मलिका महतको चाँदनी रुप रिलिज गरिएको हो ।
निर्माण पक्षले टिजर रिलिजको ३ दिन अगाडि नायिका मलिका महतको लुक्स सार्वजनिक गरेको हो । यो फिल्ममा मलिका ‘चाँदनी’को भूमिकामा देखिदैछिन् । फिल्म फागुनको १८ गतेबाट प्रदर्शनमा आउँदैछ ।
सौरभ चौधरीको निर्देशनमा तयार भएको यो फिल्ममा कलाकार तथा निर्देशक निश्चल बस्नेतको पनि मुख्य भूमिका छ । फिल्ममा प्रमोद अग्रहरी, विजय बराल, रवीन्द्र झा लगायतका कलाकारको पनि मुख्य भूमिका छ ।
डार्क हर्स इन्टरटेन्मेन्ट र सेभेन सिज इन्टरटेन्मेन्टको प्रस्तुतिमा तयार भएको यो फिल्ममा प्रकाश मल्ल, अनिष तामाङ र विनोद पौडेलको लगानी छ । फिल्मका कार्यकारी निर्माता विश्व गौचन र अभिषेक चौधरी हुन् ।
