सत्य कथामा आधारित ‘गोर्खा वारियर’को ट्रेलर रिलिज
मिलन चाम्स निर्देशित फिल्म ‘गोर्खा वारियर’को ट्रेलर रिलिज गरिएको छ । बिहिबार प्रेसमिट गर्दै वीर गोर्खालीको कथामा बनेको फिल्मको प्रोमो रिलिज गरिएको हो । प्रोमो :
लण्डनको सफल भव्य प्रिमियर पश्चात् फिल्म गोर्खा वारियारको नेपालमा प्रोमो रिलिज गरिएको हो । फिल्ममा रितेश चाम्स, विजय लामा, रेविका गुरुङ, कविता आले, शिशिर वाङदेल, रेअर राई लगायत अन्य कलाकारहरुले अभिनय गरेका छन् । सुमन राई र सुस्मिता वाइवा निर्मित फिल्मलाई सुदीप बरालले खिचेका हुन् । सम्पादन मिलन श्रेष्ठको छ ।
फिल्म ‘गोर्खा वारियर’आउँदो फागुन ११ गतेबाट प्रदर्शनमा आउँदैछ । फिल्मको फागनु ९ गते राजधानीमा प्रिमियर हुने प्रेसमिटमा निर्देशक चाम्सले जानकारी दिए । फिल्म सत्य घटनामा आधारित ट्रेलरमा उल्लेख गरिएको छ ।