‘मोदिवेनी’बाट रेजिनाको कमब्याक, प्रतापको डेव्यु
अभिनेत्री रेजिना उप्रेती करिब ९ वर्षपछि अभिनयमा कमब्याक भएकी छन् । फिल्म ‘वरदान’मा पश्चात् ‘मोदिवेनी’बाट रेजिनाले फिचर फिल्मको अभिनयमा फर्किएकी हुन् ।
दुई कार्यकाल कलाकार सङ्घमा उपाध्यक्ष र बरिष्ठ उपाध्यक्ष रही कार्य गरेकी उनले यस बिचमा केही म्युजिक भिडियो, विज्ञापन तथा लघु फिल्महरुमा अभिनय भने गरिरहेकी थिइन् । उप्रेतीले यो फिल्ममा कलाकार दिलीप के.सीसँग स्क्रिन शेयर गर्नेछिन् । हाल कार्यशाला चल्दै गरेको यो फिल्मबाट अभिनेताको रूपमा अमर प्रताप श्रेष्ठले डेब्यु गर्दैछन् । ओजस थियटरमा दुई वटा नाटकमा प्रमुख भूमिकामा अभिनय गरेका श्रेष्ठले केही विज्ञापन तथा ’प्रितको रित’ नामक वेब सिरिजमा प्रमुख अभिनय गरेका छन् ।
अभिनेता सरोज खनाल पनि फिल्ममा प्रमुख भूमिका प्रस्तुत हुँदैछन् । रेजिना र सरोजसँगै फिल्ममा अमर, सरोज, केकी, दिलीप सँगै कलाकारहरु कमलमणी नेपाल, जीवन भट्टराई, सरोज अर्याल, अनामिका लामिछाने, स्नेह भट्टराई, लाबिस लगायतको अभिनय रहनेछ । डिनेस्ट इन्टरटेनमेन्टको प्रस्तुतिमा बन्ने यो फिल्मलाई शङ्कर कोइरालाले निर्देशन गर्दैछन् । आनन्द बिक्रम क्षेत्रीले लेखेको पिल्ममा दिलीप के.सी. निर्माता र हरि श्रेष्ठ सह-निर्माता रहेका छन् ।
करिब चालिस वर्ष पहिले र हालको कथालाई मिश्रण गरी बनाइने यो फिल्मले पर्वत जिल्लाको मोदिबेनी क्षेत्रको कथा भन्नेछ । फिल्म माघ १६ गतेदेखि छायाङ्कनमा जानेछ । फिल्ममा उत्सव दाहालको डिओपी रहनेछ ।
