उपेन्द्र सुब्बाको ‘मनसरा’को ३५ प्रतिशत सुट बाँकी
फिल्म ‘मनसरा’को ६५ प्रतिशत छायांकन सकिएको छ । बिगत २० दिनदेखि फिल्मको ललितपुर नख्खीपोट आसपासमा छायांकन चलिरहेको छ । फिल्ममा अभिनेता दयाहाङ राई र अभिनेत्री मिरुना मगरको मुख्य भूमिका छ ।
अभिनेता दयाहाङ फिल्म ‘भूठान’ को छायांकनका लागि हाल अमेरिका पुगिसकेका छन् । दया बाँकी छायांकनका लागि यही माघको तेश्रो गतेसम्ममा नेपाल फर्किनेछन् । यद्पी फिल्म ‘मनसरा’मा मिरुना मगर, मेनुका प्रधान र प्रविण खतिवडाले सुट गरि रहेका छन् । दयाहाङ नेपाल आएपछि फिल्मको छायांकनका लागि ललितपुरपछि पाँचथर पुग्नेछन् ।
यसैगरी निर्देशक सुब्बाले जाडोको मौसम भएपनि फिल्मको छायांकन सोचअनुसार नै भैइरहेको बताए । उनले फिल्मलाई उत्कृष्ट बन्ने बताउँदै त्यसका लागि कुनै कसर नराखिने धारणा व्यक्त गरे ।
निर्देशक सुब्बा र छायाँकार शैलेन्द्र ध्वज कार्की मिलेर मनसरा निर्माण गर्दैछन् । छायाँकार कार्कीले फिल्मको योजना अनुसारको काम भइरहेको बताए । दयाहाङ नेपाल फर्किएपछि करिब दश दिनमा फिल्मको छायांकन सम्पन्न हुने जानकारी दिए । फिल्म मनसरा वैशाख २१ मा रिलिज हुनेछ ।
ब्लकबस्टर फिल्म ‘जारी’का निर्देशक उपेन्द्र सुब्बा यो फिल्मका निर्देशक हुन् । उनी कबि हुँदै फिल्म लेखन तथा निर्देशनमा आएका हुन् । सुब्बाको ‘मनसरा’लाई पनि प्रतिक्षित फिल्मको सूचिमा राखिएको छ ।
