यस्तो छ दया र दियाको ‘दयारानी’ को ट्रेलर
फिल्म ‘दयारानी’को ट्रेलर सार्वजनिक भएको छ । ट्रेलरमा अभिनेता दयाहाङ राई र अभिनेत्री दीया पुनको रमाइलो नोकझोक देख्न सकिन्छ । ट्रेलर :
ट्रेलरमा दयाले आफु बाबु बन्न नसक्ने तथ्य लुकाएपछि उनकी श्रीमती र परिवारले उनको दोश्रो विवाह गर्ने कुरा गरेपछिको उत्पन्न परिस्थितिलाई प्रस्तुत गरिएको छ । साथमा आफ्नो कमजोरी लुकाउन दोश्रो विवाह टार्दै आएका दयामाथि अर्को एक युवतीले आफ्नो सन्तानको बाबु भएको आरोप लगाएको प्रसंगलाई पनि ट्रेलरमा देख्न सकिन्छ । यी दुई घटनाक्रमको उतारचढाव नै फिल्मको कथा भएको ट्रेलरबाट बुझ्न सकिन्छ ।
बाँसुरी फिल्मस् र माओत्से फिल्मस्को ब्यानरमा निर्माण भएको फिल्मलाई शैलेन्द्र ध्वज कार्कीले खिचेका हुन् । सिनेमामा दयाहाङ र दीया सँगै विजय बराल, प्रमिसा गुरुङ, पुस्कर गुरुङ, टिकाराम घले, शिरिषा कुँवर, नयन गुरुङ, सुर्य सुनार, राजेन्द्र थापा, सीतादेवी गुरुङ र क्रिष्टी गुरुङ लगायतका कलाकारहरुको अभिनय छ ।
माओत्से गुरुङको डेब्यू निर्देशन रहेको फिल्म दयारानी माघ २६ गते रिलिज हुँदैछ । ट्रेलर हेर्दा फिल्मले दर्शकलाई पूणर् मनोरञ्जन दिने आशा गर्न सकिन्छ ।