दिपेन्द्र लामाको ‘दुखी आत्मा’ मा आँचल शर्मा अनुबन्धित
लेखक,निर्देशक दीपेन्द्र लामाको नयाँ फिल्म ‘दुखी आत्मा’ नायिका आँचल शर्मालाई अनुबन्धित भएकी छन् । फिल्मको मुख्य नायिका आँचललाई लिइएको निर्देशक लामाले बताएका छन् ।
अभिनेता दयाहाङ राई यस अघिनै अनुबन्धित् भैसकेका छन् । क्लक वर्क क्रियसनले निर्माण गर्ने फिल्मको निर्माता हिमाल कडरिया हुन् । निर्देशक दीपेन्द्र र निर्माता हिमालले यसअघि निर्माण गरेको ‘नाङ्गो गाउँ’ सुपरहिट भएको थियो । ‘दुखी आत्मा’ उनीहरुको दोश्रो सहकार्य हो । यसपछि यही टिमले तेश्रो सहकार्य स्वरुप ‘नाङ्गो गाउँ-२’ निर्माण गर्ने घोषणा गरिसकेको छ ।
आगामी चैत्रमा छायांकन गरिने ‘दुखी आत्मा’ को स्क्रिप्ट लेखन कार्य अन्तिम चरणमा पुगेको छ । फिल्मका अन्य कलाकार, प्राबिधिक चयन कार्य केही समयमा गरिने जानकारी निर्माता हिमालले दिएका छन् । काठमाडौंको सेरोफेरोमा खिचिने सामाजिक हाँस्य जनराको फिल्मको बितरण आरआर फिल्मस्ले गर्नेछ ।