कृषा चौंलागाईंको ‘पिताम्बर’मा प्रदीपदेखि कामेश्वरसम्म
निर्देशक कृषा चौंलागाईंले नयाँ फिल्म ‘पिताम्बर’को घोषणा गरेकी छन् । एक्सन फिल्म ‘पिताम्बर’मा नायक प्रदीप खड्कादेखि कलाकार कामेश्वर चौरसियासम्मको अभिनय रहनेछ ।
फिल्म ‘पिताम्बर’मा प्रदीप खड्का, सौगात मल्ल, आँचल शर्मा, सुरक्षा पन्त, अनुपविक्रम शाही, प्रमोद अग्रहरी, दिव्यदेव पन्त र कामेश्वर चौरसियाको नाम सार्वजनिक पोस्टरमा उल्लेख छ । केपी फिल्मस् र पुरुषोत्तम प्रधान फिल्मस् मिलेर निर्माण गर्न लागिएको फिल्मका निर्माता विशाल चौंलागाई हुन् । यस अगाडी चौंलागाईं दिदी भाई मिलेर फिल्म ऐंचो पैंचो फिल्म निर्माण गरेका थिए जुन फिल्मबाट कृषाले फिल्म निर्देशनमा डेव्यु गरेकी थिइन् ।
फिल्म ‘पिताम्बर’मा प्रदीप भारद्वाजको लेखन छ भने छायाँकन निर्माता प्रधानकै रहनेछ । फिल्मको पहिलो सेड्युलको छायाँकन माघको तेश्रो साताबाट तराई भेगमा हुनेछ र अर्को सेड्युल बैशाखको अन्त्यमा हुने निर्देशक चौंलागाईले जानकारी दिइन् । फिल्मको प्रदर्शन मिती भने अफिसियल प्रेसमिटमा घोषणा गरिने कृषा चौंबलागाईले बताइन् ।
