दशैंमा नीताको ‘ह्रस्व दीर्घ’, ब्रम्हानन्दमको लुक्स रिलिज
अभिनेत्री नीता ढूंगानाको निर्माण तथा अभिनय रहेको ’ह्रस्व दीर्घ’ दशैंमा असोज ११ गते रिलिज हुने भएको छ । बलिउड कलाकार ब्रम्हानन्दमको जन्मदिनमा फिल्मको पहिलो झलक रिलिज गर्दै नीताले प्रदर्शन मिती घोषणा गरेकी हुन् ।
सार्वजनिक फस्ट लुकमा ब्रम्हानन्दम मात्र फिचर भएका छन् । सार्वजनिक फस्टलुकमा उनलाई नेपाली ढाका टोपीमा मुस्कुराइरहेको देख्न सकिन्छ । उनको निधारमा तिलक समेत छ । चन्द्र पन्द निर्देशित फिल्ममा नेपालका र भारतका कलाकारहरुको अभिनय रहेको छ । फिल्म नेपालीसँगै भारतका प्रान्तिय भाषाहरुमा रिलिज हुनेछ । भारतमा भने यो फिल्ममा ओटिटी प्लेटफर्ममा मात्र रिलिज हुनेछ ।
हरिहर अधिकारीले लेखलन रहेको फिल्ममा हरिहर र नीतासँगै विपना थापा, सरोज खनाल, गरिमा शर्मा, सञ्चिता लुईँटेल, बुद्धि तामाङ, प्रशान्त ताम्राकार, रविन्द्र झा लगायतका अन्य नेपाली कलाकारहरुको पनि अभिनय छ । फिल्ममा ब्रम्हानन्दम सँगै अलि, ’गजनी’ फिल्मका खलनायक विजय रावतको समेत अभिनय रहेको छ ।
तीन सेड्यूलमा छायाँकन हुने फिल्मको पहिलो र दोस्रो सेड्यूलको छायांकन सकिएको छ भने तेस्रो सेड्यूलको लागि निर्माण टीम भारत जाँदै छ, जहाँ दुई गीतको छायांकन हुनेछ ।
