निश्चल स्वस्तिमाको ‘बेहुली फ्रम मेघौली’ पनि दशैंमै
निश्चल बस्नेत र स्वस्तिमा खड्काको ‘बेहुली फ्रम मेघौली’ले दशैं छेकोमा फिल्म रिलिज हुने भएको छ । वितरण कम्पनी डिजिटल सिनेमा नेपाल (डीसीएन) र निर्माता बस्नेतले वितरणबारे सम्झौता गर्दै दशैंमा फिल्म आउने घोषणा गरेका हुन् ।
‘बेहुली फ्रम मेघौली’ लाई साजन काफ्ले र आकाश बरालको संयुक्त लेखन तथा निर्देशन रहने छ । फिल्मका निर्माता निश्चल र स्वस्तिमा हुन् भने कार्यकारी निर्माताको रुपमा शंकर पाण्डे र फिरोज खड्का छन् ।
उसो त निश्चल र स्वस्तिमाको फिल्म अगाडी दशैंमा अन्य फिल्महरुले आफ्नो प्रदर्शन मिती तोकेका छन् । दीपक दिपाको ‘छक्कापञ्जा ५’, नीता ढुंगानाको ‘ह्रस्वदीर्घ’, सन्तोष सेनको ‘बलिदान’, दिनेश राउतको ‘गाउँ नै रमाइलो’ पनि दशैंमा लाग्ने कुरा छ ।