‘लण्डन टु पेरिस’टिजर : साम्राज्ञी र निश्चलको ‘लभ एण्ड हेट’
फिल्म लण्डन टु पेरिस’को टिजर सार्वजनिक भएको छ । आगामी जेठ २५ गतेबाट रिलिज हुने फिल्ममा नायिका साम्राज्ञी राज्यलक्ष्मी शाह र नव नायक निश्चल खड्का बिचको लभ एण्ड हेटलाई देखाइएको छ । टिजर :
टिजरमा अन्य कलाकारहरु कविर खड्का, गरिमा शर्मालाई पनि राम्रो स्थान दिइएको छ । घनश्याम लामिछाने निर्देशित फिल्ममा निश्चल खड्का, साम्राज्ञी राज्यलक्ष्मी शाह, कविर खड्का, गरिमा शर्मा, रुष्मा थापा, मनिष श्रेष्ठ, लोकवक्रिम मल्ल र मनिष गान्धीको अभिनय छ । फिल्म मार्फत निश्चल र गरिमाले नेपाली रजतपटमा डेब्यू गरेका छन् ।
एबी इन्टरनेश्नलको प्रस्तुती रहेको फिल्ममा गौतम प्रोडक्शन र अर्चडि भेस फिल्मस् लिमिटेडको निर्माण सहकार्य रहेको छ । फिल्मको कथा, पटकथा र संवाद प्रदीप भारद्वाजले लेखेका हुन् । अमति बस्नेतले निर्माण गरेको फिल्ममा आरोन बस्नेत, एरियाना बस्नेत र परि राना निर्माता छन् ।