‘१२ गाउँ’ मा रोमान्टिक समिर र सोनु
फिल्म ’१२ गाउँ’ को रोमान्टिक गीत रिलिज भएको छ । ’कसो कसो’ बोलको गीतमा नव नायक समीर भट्ट र अभिनेत्री सोनु चन्द्रपाल रोमान्टिक अवतारमा प्रस्तुत छन् । गीत :
सार्वजनिक गीतमा सुगम पोखरेल र सदीक्षा कट्टेलको स्वर छ । सुवासचन्द्र ढुंगेलको शब्द रहेको गीतमा निरज सिंहको संगीत, सौरभ लोखंडेको संगीत निर्माण र एरेन्जमेन्ट छ । भिडियोको कोरियोग्राफर रामजी लामिछाने हुन् ।
अभिनेता विराज भट्टको निर्माण, निर्देशन र अभिनय समेत रहेको फिल्म ’१२ गाउँ’ दसैंको फूलपाती (असोज २४) गतेबाट रिलिज हुँदैछ । फिल्ममा समिर र विराज, सोनुसँगै दीया मास्के, मुरलीधर, सनिशा भट्टराई, नरेन खड्का, न्यान्सी खड्का, स्टन्ट शिल्भा, सन्तोष सरकार, कनिज कोइराला, शुलेमान शंकर (इकु), कृष्ण भट्ट लगायत कलाकारहरूको अभिनय छ ।
सन्तोष सरकारको लेखन रहेको फिल्ममा महेश पौडेल र राजु लामाको डिओपी, स्टन्ट सिल्भा र शंकर महर्जनको द्वन्द्व निर्देशन, सुनील क्षेत्री र रामजी लामिछानेको कोरियोग्राफी, भूपेन्द्र अधिकारी र प्रवीन केएलको सम्पादन छ ।
