ग्लोबल ट्रेन्डिङमा ‘खुश्मा’को ‘रुकुम मैकोट’, बढ्दैछ व्यापार
प्रदर्शनरत फिल्म ‘खुस्मा’ मा समावेश रुकुम मैकोट गीतको भिडियो ग्लोबल टप म्युजिक भिडियो ट्रेन्डिङमा पर्न सफल भएको छ । एक करोड ४२ लाख भन्दा बढी भ्युज सहित रुकुम मैकोट गीतको भिडियो ग्लोबल्ली ७३ नम्वर ट्रेन्डिङमा छ । गीत :
यस्तै यो गीतको भिडियो लामो समयदेखि नेपालमा म्युजिक अन्र्तगत् पहिलो नम्वर ट्रेन्डिङमा रहि आएको छ । एसडीयोगीको संगीत रहेको गीतमा सुरेन्द्र रानाको शब्द छन् । यस्तै स्वर संगीतकार योगी र गायिका शान्तिश्री परियारले दिएका हुन् । संगीत निर्माताको रुपमा रिकेश गुरुङको नाम उल्लेख छ ।
विश्वभर चर्चित भैरहेको ‘रुकुम मैकोट’ गीतको भिडियोमा अभिनेता धिरज गुरुङ र अभिनेत्री उपासनासिंह ठकुरी फिचर्ड छन् । भिडियोको कोरियोग्राफी सुरेन राई, शेखर घर्तीमगर र सुसन लामा मिलेर गरेका हुन् ।
‘खुश्मा’मा समावेश ‘रुकुम मैकोट’ गीत हिट भएपछि फिल्मप्रति समेत दर्शकको आकर्षण बढीरहेको छ । गत बिहिबारबाट प्रदर्शनमा आएको फिल्मको व्यापार उत्साहप्रद भैरहेको छ । फिल्मले तीन दिनमा दुई करोड ५५ लाखको ग्रस कलेक्सन गरेको रिपोर्ट सार्वजनिक गरिएको छ ।
अशोक थापा मगरको डेव्यु निर्देशकिय फिल्म खुश्मा मा अभिनेत्री उपासनासिंह ठकुरीले शिर्ष भूमिका निर्वाह गरेकी छन् जस्को प्रशंसा भैरहेको छ । साथमा धिरज मगर, माओत्से गुरुङ, राज थापा, अरुण पुन मगर लगायत अन्य कलाकारहरुको अभिनय छ ।
