असोज ३ देखि सुशिल श्रेष्ठको ‘आउट लः २१९’ को आउने
अभिनेता सुशिल श्रेष्ठको शिर्ष भूमिका रहेको फिल्म ‘आउट लः दभा २१९’ को फस्टलुक रिलिज भएको छ । फस्टलुकमा सुशिललाई एक्सन एङ्ग्री अवतारमा प्रस्तुत गरिएको छ ।
अमित अग्रहरिको निर्माणमा तयार भएको यो फिल्मको पहिलो झलकसँगै प्रदर्शन मिति समेत सार्वजनिक गरिएको छ । यो फिल्म असोजको ३ गतेबाट विश्वव्यापी रुपमा प्रदर्शनमा आउनेछ । फिल्ममा विक्की महर्जनको लेखन तथा निर्देशन छ । फिल्ममा सुशिल सँगै नरेश पौडेल, शिक्षा संग्रौला, सुमन भण्डार, हेम गुरुङ, सोनी लागुनको अभिनय छ ।
यो फिल्मको केही समय अगाडी सार्वजनिक भिडियोले पनि निकै चर्चा पाएको थियो । फस्टलुकसँगै फिल्मप्रति दर्शकको उत्साह बढ्न सक्छ । नायक सुशिल श्रेष्ठका लागि यो फिल्म बलियो कमब्याको रुपमा रहने चर्चा फिल्मी वृत्तमा छ । यो फिल्मलाई देशभर डीसीएनले वितरण गर्नेछ ।
विनोद कडायत र सशांक खड्का कार्यकारी निर्माता रहेको फिल्ममा विकास चौधरी सह-निर्माताको रुपमा छन् । नविन गुरुङको डीओपी रहेको यो फिल्ममा साहिल खानको सम्पादन छ ।