‘खुस्मा’ हेरेपछि निरुता सिंहले गरिन् उपासनाको प्रशंसा
अभिनेत्री निरुता सिंहले प्रदर्शनरत फिल्म ‘खुस्मा’ हेरेर उपासना सिंह ठकुरीको प्रशंसा गरेकी छन् । उनले फिल्म अर्गानिक कथामा बनेको भन्दै उपासनाले आफ्नो भूमिकालाई न्याय दिएको बताइन् ।
‘खुश्मा नेपालीपन बोकेको अर्गानिक फिल्म हो’, ‘सेलिव्रेटी शोमा खुस्मा हेरेपछि निरुताले भनिन्, क्याप्टेन फिल्म खेल्दा उपासना हिरोइन थियो, खुस्मा खेलेपछि ऊ कलाकार भएको छ । आफ्नै आँखा अगाडी उस्ले यस्तो काम गर्दा एकदम गर्व लागेको छ।’ असल कलाकारको रुपमा उपासना आफु भन्दा पनि माथि पुग्ने समेत बताइन् । अभिनेता धिरज मगरले पनि फिल्ममा ग्रामिण युवाको भूमिकामा राम्रो अभिनय गरेको निरुताको भनाई छ ।
अशोक थापा मगर निर्देशित फिल्म खुश्मा मा अभिनेत्री उपासनासिंह ठकुरीले शिर्ष भूमिका निर्वाह गरेकी छन् भने धिरज उनको अपोजिटमा प्रस्तुत छन् । फिल्ममा समावेश रुकुम मैकोट गीत ग्लोबल ट्रेन्डिङमा छ । फिल्मले हलमा दर्शकलाई आकर्षण गरिरहेको छ ।
