तीन हिरोको ‘पुजार सार्की’ हेरेपछि सुदर्शन थापाले के भने ?

फिल्म ‘पुजार सार्की’को बुधबार सेलिब्रटी शो आयोजना गरिएको थियो । जहाँ तुलसी घिमिरे, सुदर्शन थापादेखि प्रदीप भट्टराई जस्ता अनुभवी र सफल निर्देशकहरुले फिल्मको प्रशंसा गरे ।

निर्देशक सुदर्शन थापा जसले ‘पुजार सार्की’का मुख्य पात्रहरु आर्यन सिग्देल, प्रदीप खड्का र पल शाहसँग सहकार्य गरे । यी तीन स्टारको फिल्म हेरेपछि उनले निर्देशक दिनेश राउत र तीन स्टार अभिनता बारे के भने त ? उनको भनाई यस्तो छ, “यो किसिमको फिल्म यो किसिमको एक्टरलाई लिएर दिनेशले के गरिरहेको छ भन्ने लागि रहेको थियो ? अहिले हेरिसकेपछि बहुत आनन्द आयो । सबै जनालाई बधाई । जुन विषयवस्तु भनिएको छ, त्यो विषयवस्तु कसरी भनिएको छ, भन्ने कुरा चाहिं महत्वपूणर् हो । यो विषय वस्तुलाई जसरी भन्नु पर्ने हो त्यो भन्दा राम्रासँग भनेको छ । आजको दिनमा मैंले राम्रो भन्नै पर्दैन ? सबै दर्शकले भनिसकेका छन्, सुन्दासुन्दा कहिले हेर्रौं भएको थियो, सबैलाई बधाई । यो फिल्मले अझै सफलता हात पारेर फिल्म क्षेत्रमा गर्व गर्न लायक बनोस् रेकर्ड राखोस् भन्न चाहान्छु ।”

निर्देशक थापा यतिबेला पल र अभिनेत्री पुजा शर्मालाई मुख्य भूमिकामा लिएर फिल्म रावायणको छायाँकनमा व्यस्त छन् । जुन फिल्मको प्रदर्शन मिती तीजलाई तय गरिएको छ । गत बिहिबारबाट प्रदर्शनमा आएको ‘पुजार सार्की’ सफलताका साथ दोश्रो सातामा प्रदर्शन हुँदैछ ।