दोश्रो सातामा अनमोलको’फर्की फर्की’, पहिलो साताको कमाइ कति ?
अनमोल केसी स्टारर फिल्म फर्की फर्की प्रदर्शनको दोश्रो सातामा प्रवेश गरेको छ । यद्पी निर्माता र वितरकले पहिलो साताको व्यापारिक हिसाब भने सार्वजनिक गरेका छैनन्, किन त ?
‘फिल्म बल्ल दोश्रो सातामा आएको छ । फिल्म अझै पनि चल्छ । पहिलो साताको सबै हिसाब किताब आउन बाँकी छ’, निर्माता रोहित अधिकारी भन्छन्, ‘फिल्मको एकमुष्ट हिसाब विकास वोर्डबाट आउँदा विश्वासिलो हुन्छ होला । तर हामी पहिलो साताको कमाइबाट खुसी छौं।’ अनमोलको दशौं फिल्मले दोश्रो सातामा कत्तिको व्यापार गर्ला त ? फिल्मको पहिलो र दोश्रो साताको पर्दा संख्या उस्तै उस्तै जस्तो देखिन्छ ।
सुयोग गुरुङ निर्देशित फिल्म ‘फर्की फर्की’मा अनमोलसँगै अभिनेत्री जसिता गुरुङको पनि मुख्य भूमिका छ । साथमा रवि काफ्ले र समृद्धि अर्यालले पनि पनि महत्वपूर्ण भूमिका निर्वाह गरेका छन् । उनीहरुको यो पहिलो फिल्म हो । फिल्मलाई रोहित अधिकारीले निर्माण गरेका हुन् । निर्माता अधिकारीले ओभरसिजका कतिपय देशमा याँ रेकर्ड कायम गरेको समेत बताए ।
