‘गाउँ आएको बाटो’ की संगीतकार नेपाल किन आइन् ?

फिल्म ’गाउँ आएको बाटो’को नेपाल प्रिमियरमा सहभागी हुन संगीतकार हाइडी ली नेपाल आइपुगेकी छिन् । नवीन सुब्बा निर्देशित यो फिल्ममा हाइडीले पार्श्व ध्वनीमा काम गरेकी छन् । उनी इटालीबाट सोमबार अन्र्तराष्ट्रिय त्रिभुवन विमानस्थलमा अवतरण भएकी हुन् ।

फिल्मको एक पार्श्व संगीतमा पनि हाइडी नै सिर्जना गरेकी हुन् । यसअघि उनी सिनेमाको गीतमा संगीत भर्न नेपाल आएकी थिइन् । फिल्म गर्नुअघि उनी अनुसन्धानकै लागि पनि एक पटक नेपाल आएकी थिइन् । यो उनको तेस्रो नेपाल भ्रमण हो । हाइडीले राई सँस्कृतिको लय, धुनमाथि अध्ययन गर्दै परम्परागत र पश्चिमा संगीत मिसाउँदै फिल्मको गीत तयार पारेकी छन् ।

फिल्म छायांकन भएको स्थानबाटै पनि हाइडीले राई संगीतलाई बटुलेकी छन् । फिल्मको कथा र भाव नियाल्दै आफूले फिल्ममा पार्श्व ध्वनी निर्माण गरेको पनि हाइडीको भनाई छ । उनी आफूले संगीत गरेको नेपाली सिनेमाको प्रतिक्रिया लिन उत्साहित छिन् । ’यो सिनेमा धेरै अन्तर्राष्ट्रिय सिनेमा महोत्सवमा देखायौं । यो सिनेमा जुन देशको यही देशमा अहिले प्रदर्शनको तयारीमा छ । म, यहाँका स्थानीय दर्शकसँग बसेर फिल्म हेर्न निकै उत्साहित छु, ’हाइडीले भनिन्, ’म नेपाली होइन । तर, पनि मैंले नेपालको यस्तो फिल्ममा संगीतदेखि पाश्र्व ध्वनीमा काम गरें । मैंले गरेका ती कामको प्रतिक्रिया बटुल्न पनि म उत्साहित छु ।’

नविन सुब्बा निर्देशित फिल्ममा अभिनेता दयाहाङ राई, अभिनेत्री पशुपति राई र बाल कलाकार प्रशन राईको मुख्य भूमिका छ । विभिन्न अन्र्तराष्ट्रिय महोत्सवहरुको सफल यात्रा पश्चात् ‘गाउँ आएको बाटो’ यो शुक्रबार जेठ २५ गतेबाट नेपालका फिल्महरुबाट प्रदर्शनमा आउँदैछ ।