अनमोलको ‘जेरी अनटप’ मा आँचल अनुबन्धित
अभिनेता अनमोल केसी स्टारर फिल्म ‘जेरी अनटप’मा अभिनेत्री आँचल शर्मा अनुबन्धित भएकी छन् । शुक्रबार निर्माण कम्पनी र अभिनेत्री शर्माबिच लिखित सम्झौता हो ।
फिल्म ‘जेरी अनटप’ लाई सुयोग गुरुङले निर्देशन गर्दैछन् । आँचल र अनमोलबीच पहिलोपटक सहकार्य हुनेछ । यसअघि यो फिल्ममा अनमोल र अभिनेत्री आना शर्मा अनुबन्धित भैसकेका छन् । त्रिकोणात्मक प्रेमकथामा बन्न लागेको यो फिल्ममा आना र आँचलले अनमोलसँग अनस्क्रिन रोमान्स गर्नेछन् । असार ६ गतेदेखि काठमाडौं, लुक्ला र मुस्ताङमा छायांकन हुँदैछ ।
सुयोग गुरुङ निर्देशित फिल्म ‘फर्की फर्की’ यतिबेला तेश्रो सातामा प्रदर्शनरत छ । जहाँ अनमोल शिर्ष भूमिकामा प्रस्तुत भएका छन् । आना एक्टरको सुटमा छिन् भने आँचलले ‘वर एण्ड वधु’ र ‘एक मुठ्ठी बादल’को छायाँकन सकाएकी छन् ।
