बारुला माया जालमा पारुला (भिडियो)
गायक नरजंग गुरुङ्गको स्वरमा लोकपप गीत ’बारुला’ को भिडियो सार्वजनिक भएको छ । एक युवकले युवतीलाई आफ्नो माया जालमा पार्न अपनाउने तरिकाहरु गीतको भिडियोमा देख्न सकिन्छ । शमशेर गहतराजको शब्द तथा संगीत रहेको गीतको भिडियोमा नायिका ज्योत्सना योगीसँग गायक आँफै देखिएका छन् । भिडियोलाई जीवन थापाले निर्देशन तथा सम्पादन गरेका हुन् । भिडियोमा छायांकन धिरजजंग शाहको रहेको छ । भिडियो हेर्नुस् :
नरजंग गुरुंग फिल्मका नायक समेत हुन् । उनले गुरुंग फिल्मका गीत पनि गाएका छन् । फिल्म र एल्बम गरी २५० बढि गीत गाएका नरजंग दश बर्षदेखी पोखरामा रहेर संगीत क्षेत्रमा सक्रिय छन् । उनले यसअघि ’फ्युचर’ नामक म्यूजिक एल्बम बजारमा ल्याएका थिए ।
