‘सतिदेवी’को ‘लैजा देवी फिर्ता लैजा’ रिलिज
लक्ष्मण सुवेदी निर्देशित फिल्म सतिदेवीको नयाँ गीत सार्वजनिक गरिएको छ । ‘लैजा देवी फिर्ता लैजा’ बोलको गीतमा निर्देशक सुवेदीकै शब्द र सुवास भूषालको संगीत छ । गीतमा स्वर ममता गुरुङले दिएकी छन् । गीत :
गीतमा अभिनेत्री मलिका महत र हर्षिका ओली प्रस्तुत छन् । साथमा कलाकारहरु कुल बहादुर अधिकारी, सृजना अधिकारी लगायत अन्य कलाकारहरुलाई सार्वजनिक गीतमा देख्न सकिन्छ । गीतको कोरियोग्राफी रामजी लामिछानेले गरेका हुन् ।
लक्ष्मण सुवेदीको निर्देशन सहित लेखन र निर्माण रहेको फिल्म सतिदेवी आउँदो साउन ७ गतेदेखि प्रदर्शनमा आउँदैछ । फिल्मको पोस्टर र टिजरले प्रशंसा पाइरहेको छ । सतिदेवीको शिर्ष भूमिकामा अभिनेत्री मलिका महतको अभिनय छ ।
