अनमोलको ‘जेरी अन टप’मा जसिताको प्रवेश
अनमोल केसी स्टारर फिल्म ‘जेरी अन टम’मा अभिनेत्री जसिता गुरुङ्गको प्रवेश भएको छ । फिल्ममा यस अगाडी अभिनेत्री आँचल शर्मा अनुबन्धित भैसकेकी छिन् ।
सुयोग गुरुङले निर्देशन गर्ने फिल्म ‘जेरी अन टप’मा आँचल अगाडी अभिनेत्री आना शर्मा अनुबन्धित भएकी थिइन् । तर जसिताको आगमनसँगै फिल्ममा आना नरहने बुझ्न सकिन्छ । यद्पी निर्माण टिमले यस बारे औपचारिक जानकारी गराएको छैन् । अब फिल्ममा अनमोल, जसिता र आँचलको त्रिकोणात्मक प्रेम सम्बन्ध हेर्न पाइनेछ । फर्की फर्की पश्चात् अनमोल र जसिताको डिमान्ड दर्शकमा समेत उच्च छ । सायद ‘जेरी अन टप’ निर्माण युनिटले यसलाई पनि क्यास गर्न खोजेको हुन सक्दछ ।
सरोज न्यौपाने निर्माता रहेको फिल्मको छायाँकन साउन १ गतेबाट सुरु गर्ने तयारी छ । सरोज सँगै दीपक भण्डारीको समेत लगानी रहने फिल्मको छायांकन काठमाडौं, मुस्ताङ र लुक्लामा गरिनेछ ।
