अनमोलको ‘जेरीः अन टप’ फस्टलुक रिलिज
अनमोल केसी स्टारर फिल्म ‘जेरीः अन टप’ को पहिलो झलक सार्वजनिक भएको छ । सोमबार निर्माण पक्षले फिल्मबाट अनमोलको फस्ट लुक रिलिज गरेको हो ।
सार्वजनकि पोस्टरमा अनमोललाई खैरो जिन्सको ज्याकेट, पाइन्ट र पिंक कलरको टिसर्टमा देख्न सकिन्छ । यो ड्रसअपले अनमोलले फिल्ममा टिनएजको भूमिका निर्वाह गर्ने अनुमान लगाउन सकिन्छ । जेरीः अन टपको पोस्टरमा अनमोल कूल देखिएका छन् ।
सुयोग गुरुङले निर्देशन गर्ने फिल्ममा अनमोल सँगै जसिता गुरुङ र आँचल शर्मा मुख्य भूमिकाम अनुबन्धित भएका छन् । फिल्मको छायाँकन साउन १ गतेबाट सुरु गर्ने योजना छ ।
सरोज न्यौपानेले निर्माण रहने फिल्ममा दीपक भण्डारीको पनि लगानी रहनेछ । क्रिएटिभ निर्मातामा ‘फर्की फर्की’ निर्माता रोहित अधिकारी हुन् । फिल्मको छायांकन काठमाडौंसँगै मुस्ताङ र लुक्लामा हुनेछ ।
