कस्तो छ’कार्टुञ्ज क्रु’को वेभ सिरिज’स्वस्थानी भर्सेस ग्याङ्ग’?
कार्टुञ्ज क्रुको पहिलो प्रस्तुती रहेको वेभ सिरिज ‘स्वस्थानी भर्सेस ग्याङ्ग’ को पहिलो एपिसोड सार्वजनिक भएको छ । यो वेभ सिरिजलाई सरोज र सागर खनाल मिलेर निर्माण गरेका छन्।सिरिजको कार्यकारी निर्माता विजय अधिकारी बन्नी हुन् ।
सरोज अधिकारीको निर्देशनमा तयार भएको यो सिरिजमा आश्मा विश्वकर्मा, सरोज अधिकारी, लक्ष्मी गिरि, प्रताप दास, बिजय अधिकारी, जिबेश सिंह गुरुङ, अस्मिता खनाल, रोश्नी कार्की लगायतका कलाकारको अभिनय रहेको छ । सिरिजको पहिलो एपिसोडलाई दर्शकले सकारात्मक प्रतिक्रिया दिएका छन् । शिर्ष भूमिकामा प्रस्तुत भएकी आश्माको अभिनयको समेत दर्शकले रुचाएको पाइएको छ ।
विभिन्न सोच भएका युवा पुस्ताका पात्रहरु समावेश गरिएको छ । सिरिजको कथा र पटकथा सरोज र सागरले मिलेर तयार पारेका छन् । थुप्रै सफल भिडियो पश्चात् सरोजले वेभ सिरिज निर्देशन गरेका हुन् ।
