अभिनय सुरु गरेको दश बर्षामा व्यस्त बनिन् बर्षा
अभिनेत्री बर्षा सिवाकोटीले अभिनय सुरु गरेको दश वर्ष लागेको छ । ‘नाईं नभन्नू ल २’ बाट अभिनय सुरु गरेकी बर्षा अभिनित ‘मोदीबेनी’ यही साउन १८ गतेबाट प्रदर्शनमा आउँदैछ ।
रमाइलो संयोग, अभिनय सुरु गरेको दशौं बर्षमा बर्षा व्यस्त बनिरहेकी छन् । उनी यतिबेला ‘मोदीबेनी’को प्रचार प्रसार व्यस्त छिन् भने गत साता ब्ल्कबस्टर फिल्म ‘छक्का पञ्जा पाँच’को छायाँकन सकाएकी छन् । यस्तै बर्षाले फिल्म ‘झिल्को’ पनि साइन गरेकी छन्, जस्को छायाँकनको तयारी भैरहेको छ ।
‘मोदीबेनी’का नव-नायक अमर प्रताप श्रेष्ठसँग ट्रेलर लञ्चमा बर्षा ।
बर्षा सिवाकोटी यो एक दशकमा ‘नाईं नभन्नू ल २’, ‘पशुपति प्रसाद’, ‘लप्पन छप्पन’,’भैरे’, ‘बिर बिक्रम २’, ‘लक्का जवान’, ‘परदेशी २’ लगायत अन्य फिल्महरुमा अभिनय गरेकी छन् ।
