‘गोर्खे खुकुरी’ को सफलतापछि ‘माछी’ रिलिज (भिडियो)
’गोर्खे खुकुरी’ गीतको सफलताको सेलिब्रेसन गर्दै तीज गीत ’माछी’ सार्वजनिक गरिएको छ । लोकश शर्माको प्रस्तुती रहेको ’गोर्खे खुकुरी’ गीतले पाँच महिनाको अवधिमा युट्युबमा ४ करोड २७ लाख बढी भ्युज पाएको छ ।
बिहीबार प्रेसमिट गर्दै सार्वजनिक गरिएको ’माछी’ बोलको गीतमा शान्तिश्री परियार र समीक्षा अधिकारीको स्वर रहेको छ । भिडियोमा प्रियंका कार्की, लोमश शर्मा, कविता नेपाली र अनु परियारले नृत्य गरेका छन् । गीत रिलिज कार्यक्रममा शुभकामना दिन निर्देशक दीपाश्री निरौला समेत उपस्थित थिइन् ।
’गीत एकदमै राम्रो लाग्यो, गीत भन्न साथ त्यसै हात खुट्टा नाच्न थाल्छ, माछी पर्यो बल्छी नाची नाची… वास्तवमा नाच्नलाई यति मजा आउँछ कि त्यहाँ बल्छी थापिरहनै पर्दैन आफै त्यसै जिउ जुरमुराएर आउँछ’ दिपाश्रीले भनिन् ।
गीतमा पुरूषोत्तम गैरेको शब्द एवं संगीत छ । यसलाई कविराज गहतराजले कोरियोग्राफी, नवराज उप्रेतीले छायांकन एवं मनोज कार्कीले सम्पादन गरेका हुन् ।
