‘घर नम्बर २’ मा आर्यन सिग्देलको आगमन
फिल्म ‘के घर के डेराः घर नम्बर २’ मा अभिनेता आर्यन सिग्देलको पनि आगमन भएको छ । दिपेन्द्र के.खनाल निर्देशित फिल्ममा यस अगाडी अन्य कलाकार पनि अनुबन्धित भैसकेका छन् ।
फिल्ममा अभिनेता सिग्देलको भूमिका बारे केही पनि खुलाइएको छैन् । यद्पी उनी आफ्नो भूमिका र फिल्मलाई लिएर आर्यन उत्साहित देखिएका छन् । आर्यन अभिनय ‘पुजार सार्की’ पछिल्लो समय प्रदर्शनमा आएको थियो । यो फिल्म हिट भएसँगै आर्यनको माग फिल्म क्षेत्रमा बढेको देखिन्छ ।
ए प्लस इन्टरटेन्मेन्ट र नटराज क्रियशनको ब्यानरमा निर्माण हुन लागेको यो फिल्मको कथा बुद्धि सागरले लेखिरहेका छन् । फिल्ममा शरद श्रेष्ठ, किरण महर्जन र राजिव श्रेष्ठको लगानी छ । फिल्मका कार्यकारी निर्माता युवराज कार्की हुन् । फिल्मलाई यही बर्ष रिलिज गर्ने तयारी निर्माणपक्षको छ ।
‘के घर के डेराः घर नम्बर २’ को छायांकन साउनको २५ गतेबाट सुरु हुँदैछ । फिल्ममा यसअघि नै खगेन्द्र लामिछाने, निश्चल बस्नेत फाइनल भइसकेका छन् । निर्माणपक्षका अनुसार, अब फिल्मका लागि मुख्य दुई नायिका फाइनल गर्न बाँकी छ ।
