पल शाहको ‘रावायण’ अवतार यस्तो बन्यो
फिल्म ‘रावायण’ बाट अभिनेता पल शाहको फस्ट लुक्स रिलिज भएको छ । सार्वजनिक पोस्टरमा अभिनेता शाहलाई दोहोरो रुपमा देख्न सकिन्छ ।
सार्वजनिक पोस्टरमा पललाई रिसाएको भावमा दाह्रीजुँगामा देख्न सकिन्छ । पलको क्यारेक्टर लुक्सले दर्शकमाझ कौतुहलता पैदा गरेको छ । सुदर्शन थापा निर्देशित फिल्मलाई सुदर्शन थापा प्रोडक्शन र पुजा शर्मा प्रोडक्शन व्यानर मिलेर संयुक्त रुपमा निर्माण गरेका हुन् । फिल्ममा सुशन पाठक कार्यकारीक निर्माता छन् ।
फिल्म रावायण मा पल शाह र पुजा शर्माको मुख्य भूमिका छ । साथमा प्रियंका कार्की, प्रमोद अग्रहरी, निकीता चण्डक, प्रकाश शाह, कैलाश रावल, अर्जुनजंग शाही, शर्मिला मल्ल, प्रदिप ढकाल लगायतको अभिनय छ । फिल्मको टिजर यही शुक्रबार सार्वजनिक हुँदैछ ।
फिल्ममा शिवम अधिकारीको लेखन, प्रदीप श्रीवास्तवको पटकथा, सौरभ लामाको छायांकन, मिलन श्रेष्ठको सम्पादन, निरज सिंह, रेवन आरती सिंहको संगीत छ ।
