मलिका महतको ‘सतीदेवी’ ट्रेलर ट्रेन्डिङको तेश्रो स्थानमा
अभिनेत्री मलिका महत स्टारर फिल्म ‘सतीदेवी’प्रति दर्शकको आकर्षण बढेको छ । भिडियो सेयरिङ प्लेटफर्म यूट्यूबमा गत बिहीबार सार्वजनिक भएको सिनेमाको ट्रेलर ट्रेन्डिङमा परेको छ ।
रिलिजको २४ घण्टा भित्रनै ट्रेन्डिङ्मा परेको सिनेमाको ट्रेलर हाल फिल्म विधाको तेश्रो स्थानमा ट्रेन्डिङ भइरहेको छ । ट्रेलरले अत्यन्त सकारात्मक प्रतिक्रिया बटुलिरहेको छ । हालसम्म १ लाख ६५ हजार भ्यूज पाएको टिजरले ६.५ हजार बढि लाइक र उल्लेख्य संख्यामा सकारात्मक प्रतिक्रिया पाइरहेको छ । ट्रेलरले अर्गानिक रुपमा नै यूट्यूबमा यो सफलता हात पारेको हो ।
टिजर रिलिज भएपछि सोमा समाविष्ट ‘सिक्का भेटे खोटो रछ चल्दैन, मजस्तै रछ’ संवाद त्यतिबेला देखि नै चर्चामा रहेको छ । सो संवादमा धेरै जना त्यसमा पनि अधिकाश महिलाहरुले रिल्स तथा टिकटक भिडियो बनाइरहेका छन् ।
समाजमा छोरीमात्र जन्मिनुलाई हेयभावले हेरिने गरेको नेपाली समाजको मनोविज्ञानको कथा पेस गर्ने सिनेमालाई लामो समय सिने पत्रकारितामा बिताएका लक्ष्मण सुवेदीले निर्देशन गरेका हुन् ।
फिल्ममा मलिका सँगै सन्दीपबाबु लोहनी, रमेश बुढाथोकी, कुलदीप अधिकारी, भोलाराज सापकोटाको साथमा बाल कलाकार हर्षिका वली र मन्जिला बानियाँ प्रमुख भूमिकामा छन् । गोल्डेन स्टेट मुभी मेकर्स एलएलसी क्यालिफोर्नियाको सहकार्यमा दिलासा क्रिएसनको प्रस्तुति रहेको सिनेमाला श्रीदेवी सुवेदीले निर्माण गरेकी हुन्।
फिल्ममा निर्देशक सुवेदीको यो सिनेमाले सौराह दक्षिण एसियाली फिल्म फेष्टिभलमा सर्वोत्कृष्ट फिल्म, शिव रेग्मी सर्वोत्कृष्ट निर्देशक तथा तेस्रो नेपाल ग्रामिण फिल्म फेष्टिभलमा सर्वोत्कृष्ट फिल्म, सर्वोत्कृष्ट स्क्रिप्ट र सर्वोत्कृष्ट अभिनेत्री जुरी मेन्सन अवार्ड जितेको छ । फिल्म ‘सतिदेवी’ भदौ ७ गते बाट प्रदर्शनमा आउँदैछ ।
