बाल मनोविज्ञानमा आधारित फिल्म ‘रोल नंं १’ बन्ने
बाल मनोविज्ञानमा आधारित रहेर फिल्म ‘रोल नंं १’ निर्माण हुने भएको छ । सेभेन सिज सिनेमाको प्रस्तुती रहने फिल्मको फस्टलुक सार्वजनिक गर्दै निर्माणको घोषणा गरिएको हो ।
फिल्ममा जोन योञ्जनको कथा र निर्देशन रहनेछ । फिल्मको पहिलो झलकमा कक्षा कोठामा एक बालक हात उठाएर आफ्नो उपस्थिति जनाइरहेको देखाइएको छ । उसको पृष्ठभूमिमा निलो सर्ट लगाएका विद्यार्थी र उनीहरुलाई पढाईरहेकी एक शिक्षिका देख्न सकिन्छ । कलाकारका बारेमा निर्माण पक्षले कुनै जानकरी खुलाएको छैन । फिल्मको छायांकन तीहारपछि गर्ने तयारी रहेको छ । फिल्ममा महेश दवाडीको पटकथा तथा संवाद र प्रशान्त शिवाकोटीको संगीत रहनेछ ।
सेभेन सिज इन्टरटेनमेन्टले निर्माण गरेको फिल्म ‘अगस्त्य च्याप्टर १’ प्रदर्शनमा आइसकेको छ । यो व्यानरको अर्को फिल्म ‘पूर्ण बहादुरको सारङ्गी’को सुटिङ सकिएर यतिबेला पोस्ट प्रोडक्सनमा छ ।
