सितादेवीको शिर्ष भूमिका रहेको ‘सानो संसार’को झलक

अर्जुन कुमार निर्मित फिल्म ‘सानो संसार’को पोस्टर सार्वजनिक भएको छ । दशैं घटस्थापना अर्थात असोज १७ गतेबाट प्रदर्शनको तयारीमा रहेको फिल्मको पोस्टरमा मुख्य चार पात्रलाई चित्रण गरिएको छ ।

पारिवारिक कथावस्तुमा बनेको यो फिल्मबाट हाँस्य कलाकार केदार घिमिरे ‘माग्नेबुढा’की श्रीमती सीतादेवी तिमल्सेनाको मुख्य भुमिका रहेको छ । फिल्ममा उनलाई गृहणीको रोलमा देख्न सकिन्छ । सिनेमाको पोस्टर सामाजिक सञ्जाल फेसबुकमा सेयर गर्दै निर्माता अर्जुन कुमारले लेखेका छन्, ‘सानो संसार, ठूलो आशा ।’ फिल्ममा सीता सँगै राज पंगेनी शर्मा, अनु दाहाल, अन्जसा रिजाल शिशिर सिवाकोटीको अभिनय रहने छ । यी सवै कलाकारले नेपाली रजतपटमा डेव्यु गर्दैछन् ।

फिल्मको छायांकन काठमाडौं, धादिङ र नुवाकोटमा गरिएको हो । निर्माता कुमारले यस अगाडी फिल्म ‘चपली हाइट ३’ निर्माण गरेका थिए ।