‘नमेटिने घाउ’को पोस्टरमा मुस्कानदेखि माधव नेपालसम्म

सत्य घटनामा आधारित फिल्म ’नमेटिने घाउ’ को नयाँ पोस्टर सार्वजनिक गरिएको छ । बुधबार सार्वजनिक पोस्टरमा पूर्व प्रधानमन्त्री माधव कुमार नेपाल लगायत फिल्मका मुख्य कलाकारहरु अटाएका छन् ।

यसअघिको पोस्टरमा प्रधानमन्त्री केपी शर्मा ओली सहित लाई समेटिएको थियो । भदौ ७ गतेबाट प्रदर्शनमा आउन लागेको फिल्म ’नमेटिने घाउ’ लाई अभिनेता रमित ढुंगानाले निर्माण एवं निर्देशन गरेका हुन् । फिल्म एसिड सर्भाइभरहरूको वास्तविक जिवनीमा आधारित छ । एसिड आक्रमणमा परेका ३३ जना पीडितहरूको कथालाई यसमा समेटिएको छ । फिल्ममा मुस्कान खातुन, प्राप्ति पौडेल ,इभा गिरीेवकोटा, सन्दीपबाबु लोहनी, रचना गौतम, प्रभात पाल ठकुरी, आरती आचार्य लगायत अन्य कलाकारहरुको अभिनय छ ।

शिवम् अधिकारीको लेखन रहेको फिल्ममा उल्लेखित कलाकारहरुसँगै अखिल बजगाईं, अपेक्षा न्यौपाने, क्रान्ति शाह, वीरेन्द्र सिंह कुसुहा, लालना चिमोरिया, स्वस्तीमा कार्की, लिजा कोरानी, एलिसा गुरुङ, विशाल देवकोटा, आरजु अधिकारी, आरजु लेखक लगायतको अभिनय रहेको छ।

फिल्ममा सुरवीर पण्डित, सुनिल कटुवाल पुराना अनुहार पनि रहेका छन् भने मुख्य भूमिकामा अधिकांश नयाँ अनुहारहरूको अभिनय छ ।