‘रावयण’ पोस्टर : पल र पूजाको फरक मुद्रा
फिल्म ‘रावायण’को दोस्रो लुक सार्वजनिक भएको छ । फिल्म ‘रावायण’को दोस्रो लुक सार्वजनिक भएको छ । सार्वजनिक पोस्टरमा नायक पल शाह र नायिका पुजा शर्मा फरक मुद्रामा प्रस्तुत छन् ।
पोस्टरमा पललाई केही गम्भीर भावमा देख्न सकिन्छ । नायिका शर्मालाई भने रिसाएको मुद्रामा प्रस्तुत गरिएको छ । दुवैको पृष्ठभूमिमा ‘एसिड आक्रमण गर्ने अपराधीलाई कारवाही गर’ भन्ने व्यानर सहित प्रहरी कार्यालय अगाडि प्रदर्शन गरिरहेका एक समूहलाई देख्न सकिन्छ । यो तस्वीर हेर्दा फिल्म एसिड आक्रमणविरुद्ध बोल्छ भन्ने बुझ्न सकिन्छ ।
यसअघि फिल्मको सार्वजनिक पलको सोलो फस्टलु सार्वजनिक गरिएको थियो ।
पल शाह, पुजा शर्मासँगै फिल्ममा प्रियंका कार्की, प्रमोद अग्रहरी, निकीता चण्डक, प्रकाश शाह, कैलाश रावल, अर्जुनजंग शाही, शर्मिला मल्ल, प्रदिप ढकाललगायतको अभिनय छ । फिल्मको टिजर सार्वजनिक भइसकेको छ । टिजरले तारिफ पाइरहेको छ ।
फिल्मका निर्देशक सुदर्शन थापा हुन् । सुदर्शन थापा प्रोडक्शन र पुजा शर्मा प्रोडक्शनको संयुक्त व्यानरमा बनेको फिल्मकी निर्माता पुजा शर्मा हुन् । फिल्ममा सुशन पाठक कार्यकारी निर्माता छन् ।
