भव्य सेटअपमा ‘ह्रस्व दिर्घ’को पहिलो गीत सार्वजनिक
संविधान दिवसको अवसर पारेर असोज ३ गतेबाट प्रदर्शनमा आउने फिल्म ‘ह्रस्व दिर्घ’को पहिलो गीत सार्वजनिक गरिएको छ । उठेर नाचिस्यो बसेर नाचिस्यो बोलको गीतमा दुर्गेश थापाको शब्द तथा संगीत छ । स्वर दुर्गेश स्वयंम र गायिका सदिक्षा कट्टेलले दिएका छन् । गीत :
फिल्मको गीतमा अभिनेत्री नीता ढुंगाना र अभिनेता हरिहर अधिकारी प्रस्तुत छन् । गीतको सेटअप भव्य छ । कोरियोग्राफी सुष्मा सुनामले गरेका हुन् भने छायाँकन कविर लालको रहेको छ । चन्द्र पन्तको डेव्यु निर्देशकिय फिल्म ह्रस्व दिर्घमा नीता र हरिहरसँगै बलिउडका चर्चित कलाकारहरु प्रदीप रावत, ब्रम्हानन्द लगायतले अभिनय गरेका छन् ।
बलिउड कलाकारहरु सँगै ह्रस्व दिर्घमा नेपाली कलाकारहरु बिपना थापा, रेखा थापा, सरोज खनाल, संचिता लुईंटेल लगायत अन्य कलाकर्मीको लाई समेत फिल्ममा हेर्न सकिनेछ । फिल्मको सम्पादन मित्र डि.गुरुङले गरेका हुन् ।
