सुगम पोखरेल र अञ्जु पन्त स्वर ‘ईन्द्रेणी’ रिलिज
गायक सुगम पोख्रेल र गायिका अन्जु पन्तको स्वरमा नयाँ प्रेमिल गीत ’इन्द्रेणी’ सार्वजनिक भएको छ । शुक्रबार ’आइ एम इन्टरटेन्मेन्ट’ युटउब च्यानलबाट यो सुमधुर गीत सार्वजनिक गरिएको हो । भिडियो :
गीत जति सुमधुर अनि प्रेमिल बनेको छ, गीतको भिडियो उति नै रोमान्टिक छ । भिडियोमा माया सुवेदी र ईन्द्र सापकोटा फिर्चड छन् । यी दुईको प्रेम अनि रोमान्सलाई भिडियोमा देख्न सकिन्छ । भिडियोमा देखाईएको सुन्दर लोकेसन र दृष्यहरुले भिडियोलाई झनै आकर्षक बनाएको छ । माया र ईन्द्रको अभिनयले भिडियोमा थप सुन्दरता थपेको छ । भिडियोमा दुवैले उत्कृष्ट काम गरेका छन् ।
सार्वजनिक गीतमा विष्णु भण्डारीको शब्द र सरोज पोखरेलको संगीत छ । गीतमा उदय राज पौडेलको एरेन्ज र किशोर थापाको मिक्सिङ तथा मास्टरिङ रहेको छ । राजिव समरको कोरियोग्राफी रहेको गीतमा पवन सुस्लिङको सिनेमाटोग्राफी छ ।
गीतको भिडियोलाई सुप्रिम पराजुलीले सम्पादन तथा कलर ग्रेडिङ गरेका छन् । गीत बिल्कुलै नयाँ च्यानलबाट सार्वजनिक गरिएको छ । भिडियोमा जोडीको रुपमा देखिएका माया र इन्द्र डेनमार्कमा बस्छन् ।
