‘रावायण’को शीर्ष गीतमा पल र पूजाको दमदार नृत्य
फिल्म ‘रावायण’को शीर्ष गीत सार्वजनिक गरिएको छ । गीतमा अभिनेता पल शाहले दमदार नृत्य प्रस्तुत गरेका छन् । पल सँगै अभिनेत्री पूजा शर्मा र निर्देशक सुदर्शन थापाको समेत रावायण गीतमा दमदार नृत्य छ । गीत :
‘रावायण’को सार्वजनिक गीतमा भारतीय चर्चित पाश्र्वगायक नकाश अजिजले स्वर दिएका छन् । बलिउड र साउथ शैलीको नृत्य शैली कम्पोजको झल्को दिने यो गीतमा अजिजको स्वर छ । गायक अजिजको पछिल्लो गीत ‘पुष्पा २’को शीर्ष गीत चर्चामा छ । यो एक्सन प्रधानको यो फिल्मको शीर्ष गीतलाई रेवान आरती सिंहले कम्पोज गरेका हुन् । कृष्णहरि बरालको शब्द छन् । विक्रम स्वारँले नृत्य निर्देशनमा गरेको मिहेनत यसमा प्रष्ट देखिन्छ ।
सुदर्शन थापाले निर्देशन गरेको एक्सन प्रधान ‘रावायण’लाई पूजा शर्माले निर्माण गरेकी हुन् । यो फिल्म भदौ २१ देखि प्रदर्शनमा आउँदैछ । फिल्मको टिजर पछि शिर्ष गीत रिलिज गरिएको हो ।
