बिराज भट्टको ‘१२ गाउँ’ पनि फूलपातीमै प्रदर्शन हुने
एक्सन स्टार बिराज भट्टको नयाँ फिल्म ‘१२ गाउँ’ को प्रदर्शन मिती तय गरिएको छ । पोस्टर सहित अभिनेता भट्टले आफ्नो फिल्मलाई फूलपाती असोज २४ गते रिलिज गरिने सामाजिक सञ्जालमा उल्लेख गरेका छन् ।
लामो समय देखि सिनेमा क्षेत्र मा काम गर्दै दर्शकहरुले मलाई एक्शन फिल्ममा साथ दिदैं गर्दा नेपाली एक्शन फिल्मलाई अन्तराष्ट्रिय स्तरमा कसरी चिनाउने भन्ने मेरो चिन्तन र यसपटक १२ गाउँ मार्फत मैंले त्यो प्रयास गरेको छु । यसमा समीर भट्टले पनि लामो समयदेखि आफ्नो अभ्यासलाई दसौँ वर्ष एउटा तपस्वी जस्तै निरन्तरता दिएको छ । मलाई आशा छ दर्शकहरुको माया, साथ र आशीर्वाद १२ गाउँ लाईमिल्ने छ, अभिनेता भट्टले सोमबार आफ्नो फेसबुक वालमा लेखेका छन् ।
यो फिल्मबाट पूर्वमिस नेपाल इन्टरनेसनल न्यान्सी खड्का र मोडल सनिशा भट्टराईले अभिनेत्रीको रुपमा डेव्यु गर्दैछन् ।
फिल्ममा विराज, समीर, न्यान्सी र सनिशासँगै मुरलीधर, कनिज कोइराला, नरेन खड्का, दीया मास्के, कृष्ण भट्ट, सोनु चन्द्रपाल, कालु राना, अर्जुन जंगशाही, भिष्म जोशी, शुलेमान शंकर (इकु), तारा शर्मा, किशोर भट्ट, सन्तोष सरकार र स्टन्ट शिल्भाको अभिनय रहनेछ ।
विराज भट्ट फिल्म पोडक्सन प्रस्तुतिमा निर्माण भएको सिनेमामा अर्जुन पोखरेल र निरजको संगीत, रामजी लामिछाने, सुनिल क्षेत्री रकविराज गहतराजको कोरियोग्राफी तथा प्रवीन केएल र भुपेन्द्र अधिकारीको सम्पादन रहनेछ ।
सिनेमामा विराज स्वंयमको कथा र सन्तोष सरकारको पटकथा तथा संवाद लेखन रहेको छ ।
एक्सन-थ्रिलर कथामा बन्न लागेको सिनेमाका लागि विराजले भारतबाट द्वन्द्व निर्देशक ल्याएका छन् । तमिल तथा कन्नड सिनेमामा द्वन्द्वनिर्देशक भएर काम गरेका स्टन्ट सिल्भालाई द्वन्द्व निर्देशनमा शंकर महर्जनले सघाएका छन् ।
महेश पौडेल छायांकन रहेको सिनेमाको काठमाडौं, ललितपुर, विरगञ्ज र हेटौंडामा छायांकन गरिएको छ । सिनेमाको वितरण काफिया फिल्मस् र कुवेर सिने डिष्ट्रिव्युसनले गर्नेछ ।
‘१२ गाउँ’ले प्रदर्शन मिति घोषणा गरेसँगै असोज २४ गते एकै दिन तीनवटा नेपाली सिनेमा रिलिज हुने भएका छन् । ‘१२ गाउँ’, ‘छक्का पञ्जा ५’ र ‘ज्वाइँ साब’ र एकै दिन रिलिज हुने भएका हुन् ।
